Elon Musk me sondazh për kthimin e Donald Trump në Twitter

09:41 | 19 Nëntor 2022
A. B.

Pronari i ri i Twitter, Elon Musk, ka nisur një sondazh për platformën duke kërkuar votën pro ose kundër rikthimit të Donald Trump në rrjetin social.

Ish-presidenti amerikan u ndalua nga Twitter për shkak të trazirave në Kapitol më 6 janar 2021.

Musk kishte rehabilituar disa llogari të premten, por tha se nuk kishte marrë ende një vendim për ish-presidentin Trump.

Në rreth katër orë, mbi 5 milionë përdorues  votuan pro rikthimit të ish-presidentit.

Mbështetja tek publiku dhe jo tek një organ i brendshëm mbikëqyrës për të vendosur për kthimin e Trump në Twitter, sipas kritikëve të Musk, është një zgjedhje e diskutueshme dhe e rrezikshme. Megjithatë, nuk është e qartë nëse Musk do të vendosë në bazë të rezultatit të sondazhit. “Vox populi, vox dei,” postoi ai në përgjigje të një postimi në Twitter ku u kërkon përdoruesve të votojnë.

Shpërndaje në rrjete sociale

Lajmet më të lexuara

Të ngjashme

Foto lajm